موضوع: فى جملة كدة انا مقتنعة بيها اوى السبت أبريل 18, 2009 7:22 am
فى جملة كدة انا مقتنعة بيها اوى ان لو الواحد اتعود يقول كلمة او جملة معينة كتير اوى فى اى وقت ول اى حد الكلمة دى او الجملة دى بتفقد معناها _ وبتفقد هويتها ودا فعلا موجود فى وقتنا دا وبصورة واضحة اوى وممكن تكون الكلمات دى او الجمل دى فى معناها غالى جدا والمفروض لها مواقفها اللى واحد يقولها فيها ولها برضو الاشخاص اللى بس بيتقلهم الجمل والكلمات دى بس للاسف الكلمات دى انتشرت انتشرت لحد ما اصبحت بدون معنى وبدون هدف اصبحت كلمات عادية زى كلمة الووو اللى بنقولها اول ما ترفع سماعة التليفون ويمكن اقل من الكلمات اللى دائما بسمعها وبحس انها فعلا فقدت معناها وفقدت قيمتها بسبب تكرارها ......................ازيك يا جميل .....................ازيك يا قمر حبيب قلبى .. وحشنى يا غالى واى حد وكل حد يقولك وحشنى او وحشانى مووووت بداعى وبدون داعى وممكن تلاقى الكلمات دى بيقولها ولد لولد وبنت لبنت وعادى خالص وممكن لو انت واقف جنب واحد بيتكلم فى تليفون مثلا تلاقيه اول ما يرد يقول ازيك يا جميل.... ممكن تكتشف بعد كدة انه واحد صاحبه وبعد شوية نفس الكلمة تتقال وتكون مثلا خطبته وشوية ونفس الكلمة ونفس الافتتاحية وتطلع والدته ايه دا ؟ كلام بقى رخيص اوى كدة ليه وكل حد ولأى حد وفى اى وقت نقول اى كلام كدة بجد الكلام العاطفى والتعبيرات الرومانسية زادت اوى وللاسف بدون معنى انا حسة ان فى الزمن دا مبقناش نقدر معنى الكلمة ولا بنشعر بقيمتها بالرغم انى بحس ان الكلمة غالية جدا وعشان اقول كلمة فيها مجاملة او معنى لطيف لازم يكون ليها هدف ولها الشخص والوقت والمكان اللى تتقال فيه كل كلمة عشان بجد تتحس ومتفقدش معناها ومن الكلمات اللى برضو ينطبق عليها نفس الموضوع كلمة take care انا مش فاهمة ليه بنقولها كتير كدة وياريت بنقولها لهدف معين لا دا فى اى وقت وممكن فى نهاية كل مكالمة _ بجد مش بيكون ساعتها ليها اى معنى ايه يعنى كل يوم take care take care مفيش مناسبة للكلمة _ بجد بتفقد معناها وبجد لما يجى اليوم وتحس انك فى خطر من شى معين وحد بيعزك اللى انت متعود منه على اللزمات الكتير دى يقولك ساعتها بقى take care مش هيكون ليها اى معنى ولا هتتحس باى شى لانها اصبحت كلمة عادية ممكن تتقال فى كل المواقف انا اعرف ان الكلمة دى بالذات لو اتقالت فى الموقف بتاعها فقط وباللغة بتاعتنا العربية فقط هيكون ليها معنى عميق وكبير جداااااااااااا
بجد مش عرفة الكلمات له رخصناها اوى كدة مع ان استخدام الكلمات المفروض يكون فن من فنون الحديث الراقى الهادف
موضوع: فى جملة كدة انا مقتنعة بيها اوى 
السبت أبريل 18, 2009 7:22 am
بسراحه كلمات كتير حلوه وانا حبيتها كتير ويسلمو يا رب